إسلامي ,, دعوى ,, ثقافي ,, اجتماعي ,, تطوير منتديات,,على مذهب اهل السنة والجماعة
 
مجلة حب الدينالرئيسيةاليوميةمكتبة الصورس .و .جبحـثالأعضاءالمجموعاتالتسجيلدخولراسلنالنرقى بمنتدانا

شاطر | 
 

 showtime مع ♥ الجنَّة ♥

اذهب الى الأسفل 
كاتب الموضوعرسالة
ღ قلبي ملك ربى ღ
قلب وقف لله تعالى
قلب وقف لله تعالى
avatar



الانتساب : 04/08/2009
الجنس : انثى
الدولة :



المشاركات: : 1874













sms : اللهم سامع الصوت وسابق الفوت وكاسى العظام لحماً بعد الموت نسألك الجنه ونعوذ بك من النار
نقاط : 12904
تعاليق : ما تحسَّر أهل الجنة على شيء كما تحسروا على ساعة لم يذكروا فيها اسم الله

مُساهمةموضوع: showtime مع ♥ الجنَّة ♥    الثلاثاء أكتوبر 30, 2012 3:12 pm

السلام عليكم ورحمة الله وبركاته
الموضوع عجبنى جداً وقلت انقله لكم واتمنى ان ينال اعجابكم




::SHOWTIME :: مع الجنَّــ ♥ ــة Smile)










موعدنا مع اجمل موضوع ممكن نسمع عنه وصدورنا تنشرح ونشتــآق اليــه ..

موعدنا مع الكــلام عن ( .... ) .. عن إيه ؟؟ !

قبل ما أقولگ عن إيه .. لو أنا كلمتك عن مكان اسمه .. ( النادى ) ..

فيه ملاعب وفيه مطاعم وفيه اماكن للتمشية وتلاقى اصحاب ليك سهرانين لحد الفجر

وفيه بنات رايحين جايين وممكن تكون معدى من جنب واحدة وكحيت تقولك والله لو ما كنتش تحلف ..

المكان ده موجود فعلا..؟!!!! ..

آه موجود .. بس محتاج تشترك فيه بعشرات الالاف عشان تعرف تدخله ..

ساعتها هتروح لوالدك ومش هتخليه ينام لحد ما يجيبلك الفلوس وتشترك ..




انا مش جاى اسوق للنادى انا جاى اكلمك عن ..

.. (( الجنــــــ ♥ ــة )) ..

مكان فيه نعم وفيه نعيم مهما تخيلت اللى فى الجنة مش هتقدر ولا عقلك هيقدر

يتخيل اللى فى الجنة ..

يا ترى يا جماعة الجنة الاجمل ولا النادى ..

الجنة الاجمل ولا اكبر المنتجعات السياحية الاولى على العالم ..

الجنة الاجمل ولا فنادق سبع نجوووم ..

؟؟؟ !!

ايه اللى يستاهل تضيع الجنة عشان معصية ..

ايه اللى يستاهل انك تضيع قاعدة على نهر الكوثر عشان قاعدة على القهوة..!!

ايه اللى يستاهل يا اختى انك تضيعى الجنة عشان مش عاوزة تلبسى حجاب السيدة فاطمة ؟!

أعظم خسارة فى الدنيا انك تخسر جنة عرضها السموات والارض ..Sad

خدوا بالكم .. الجنة مش شوية خضرة ومية .. مش لبس جميل وسكن ..

انا جاى عشان اكلمك عن الجنة ونظرتنا تتصحح عن الجنة .. وايه هى اسباب السعادة فى الجنة ؟؟



فاصل ونواصل ..

فتابعونا >> اوعى تروحوا بعييد
الرجوع الى أعلى الصفحة اذهب الى الأسفل
http://hobeldeen.ahlamontada.com
ღ قلبي ملك ربى ღ
قلب وقف لله تعالى
قلب وقف لله تعالى
avatar



الانتساب : 04/08/2009
الجنس : انثى
الدولة :



المشاركات: : 1874













sms : اللهم سامع الصوت وسابق الفوت وكاسى العظام لحماً بعد الموت نسألك الجنه ونعوذ بك من النار
نقاط : 12904
تعاليق : ما تحسَّر أهل الجنة على شيء كما تحسروا على ساعة لم يذكروا فيها اسم الله

مُساهمةموضوع: رد: showtime مع ♥ الجنَّة ♥    الثلاثاء أكتوبر 30, 2012 3:18 pm




السلام عليكم ورحمة الله



عدنا بعد الفاصل

لما تروح مكان راااائع جدا ولا منتجع سياحى راااائع فتقول ( لأ ) ..

مستحيييل اسيب المكان الرائع ده ..

ولا لما تروح النادى وتلاقى اصحااابك وسهرات ووو .. وتحس انك سعيد جدااا ..

دا ده فى ( الدنيــــآ ) .. فما بالك بالجنة ♥ اللى ربنا قال عنها ..

" لا يبغون عنها حولا "

وقال تعالى ايضا ::

" فأما الذين سعدوا ففى الجنة "

يعنى مفيش برة الجنة سعادة .. بس انا ( سعيـــــــــــد !!! ) ..

لا انت مش سعيد خااااااالص .. بالنسبة للسعادة اللى فــ ( الجنَّة ) .. انت مش سعيد





قريت حديث ( طير لى عقلــى ) .. ::

ان النبى :: صلى الله عليه وسلم :: .. دخل الجنة فى رؤية فقالت له الكلائكة :: انظر الى فوق

فنظر الى فوق .. فرأى سحابا فقال :: ما هذا ؟

قالت الملائكة :: انه منزلك فى الجنة ..

فقال :: ذرونى ادخل منزلى ..

فقالت الملائكة :: لا يا رسول الله انت لسه ليك اجل فى الدنيا ..

:: الشاهد ::

شايفين يا جماعة .. " سحــآبة " .. يعنى قصر معلّق .. يعنى الجنة فيها قصوووور معلّقة يا جماعة فى السحاب ..

فتخيلوا حدائق بابل المعلّقة وهى مش معلقة ولا حاجة دى ليها اساس فى الارض

وهى من عجائب الدنيا السبعة ...



انت متخيل انك تسكن فى .. ( قصر ) .. معلق فى ( السماء ) .. وحواليك ( السحاب ) ..

يا جماااعة فيها ما لا عين رأت ولا أذن سمعت ولا خطر على قلب بشر ..


المهندس اللى بنى " تاج محـــل " اللى هو من عجـــآئب الدنيا السبع فى ( الهنــد ) ..

ما يقدرش يتخيل شكل ( القصوور ) اللى فى الجنة ..

أعظم مصممى الازياء فى العالم .. ما يقدروش يتخيلوا موديلات ملابسك فى الجنة ..

أعظم صانعى مجوهرات فى العالم .. ما يقدروش يتخيلوا شكل مجوهراتك فى الجنة ..!!


الدنيا فيها ( 7 ) عجائب فقط .. ياااااا للفقر ..!!

انما الجنة فيها عجائب لا تعد ولا تحصى ..

الجنة فيها كام شئ مبهر وممتع ..

الجنّــة أرض السعــآدة






فى الدنيا مهما الانسان سعى انه ينال السعادة ويحفظ نفسه من الامراض

ومهما تقدم العلم واخترع العلماء لتحصيييل سبل السعادة فلن ينالها الانسان

بل يكون حزينا برضو ..

بل بالعكس ده بيكون عنده حزن قاتل و اكتئاب بمهدلات رهييييبة ..

والموت .. كل يوم الصبح ربع مليون واحد بيمونتوا كل يوم .. بـ ( الانتحار ) .. وغيره ..

فى الجنَّـــة بقى .. كل ده بتأخذه ::

( 1) ان لكم ان تصحوا فلا تسقموا ابدا ..

( 2 ) وأن تشبوا فلا تهرموا أبداً ..

( 3 ) وأن تعيشوا فلا تموتوا ابداً ..

( 4 ) وأن تنعموا فلا تبأسوا ابداً .



السؤال دلوقتى :: ليه احنا هنبقى سعيدين فى ( الجنَّة ♥ ) ؟؟؟

ان شاء الله هنتعرف على أسبــآب السعادة فى الجنة ..


:: فتابعونااااااا ::




الرجوع الى أعلى الصفحة اذهب الى الأسفل
http://hobeldeen.ahlamontada.com
ღ قلبي ملك ربى ღ
قلب وقف لله تعالى
قلب وقف لله تعالى
avatar



الانتساب : 04/08/2009
الجنس : انثى
الدولة :



المشاركات: : 1874













sms : اللهم سامع الصوت وسابق الفوت وكاسى العظام لحماً بعد الموت نسألك الجنه ونعوذ بك من النار
نقاط : 12904
تعاليق : ما تحسَّر أهل الجنة على شيء كما تحسروا على ساعة لم يذكروا فيها اسم الله

مُساهمةموضوع: رد: showtime مع ♥ الجنَّة ♥    الثلاثاء أكتوبر 30, 2012 3:26 pm

هنكمل ان شاء الله مع أول سبب من أسباب السعادة فى الجنة ..


( 1 ) الرفــــآهية ::


سمعت عن نعيم اميرات القصور ولا زوجات الملوك ؟؟

سمعت عن نعيم الملياريرات وكل الفل اوبشنز اللى بتضاعف ثمن العربيات والموبايلات

والاجنحة الفندقية والشقق ..

كلها 90% منها رفاهيات اصلا ..

الرفاهية اللى فى ( الجنة ) .. حاجة تانية خالص ..

وده اللى ربنا بيقولنا عليه من خلال سورة ] الانسان ] ..

قال الله تعالى ::

((فَوَقَاهُمُ
اللَّـهُ شَرَّ ذَٰلِكَ الْيَوْمِ وَلَقَّاهُمْ نَضْرَةً وَسُرُورًا ﴿11﴾
وَجَزَاهُم بِمَا صَبَرُوا جَنَّةً وَحَرِيرًا ﴿12﴾)


شوف الحرير اللى هو لباس بنات الملوك .. انت هتلبسه فى الجنة ..!!

ايه ده هو انا هينفع البس حرير فى الجنة ..؟

ايوة هينفع تلبسه فى الجنة وكمان المعازف المحرمة فى الدنيا

هتكون مباحة فى الجنة ..

وكمان ( الاختلاط ) .. المحرم فى الدنيا .. هيكون مباح فى الجنة .. لان الناس هيكونوا

اخوان فى الجنة " اخوانا على سرر متقابلين "

طيب و ( الخمــر ) .. هيبقى حلال فى الجنة ..

طيب و ( الدهب ) .. الدهب هيبقى حلال فى الجنة ..

يعنى دى كلها مُحرمات ( مؤقتة ) فى الدنيـــا بس ..

فأوووووووووووووعى ..!!!

اوعى تحرم نفسك من الجنة و من حُلّى ملوك الجنة .. عشان لابسلك خاتم ذهب ..

اوعى تحرم نفسك من خمر الجنة .. عشان المخدرات اللى بتشربها ..

اوعى تحرم نفسك من " الحور العين " فى الجنة .. عشان علاقة آثمة مُحرمة مع فتاة ..

اصبر عشاااان ..
♥ الجنَّة ♥ ..

((وَجَزَاهُم بِمَا صَبَرُوا جَنَّةً وَحَرِيرًا ﴿12﴾)






(( مُّتَّكِئِينَ فِيهَا عَلَى الْأَرَائِكِ )) ..

.. [ الارائك ] .. دى كنبة كده ومفروش عليها مفاارش ( من الجنة بقة Smile )

وعليها شلت زى اللى كانوا العرب بيزفوا العرايس فيها ..

يعنى هتكون عريس كل يوم فى الجنة .. وانتى هتكونى عروسة كل يوم فى الجنة ..

حاجة آخر روووووعة ورفاااهية .. Smile)

.
.
.

(( لَا يَرَوْنَ فِيهَا شَمْسًا وَلَا زَمْهَرِيرًا ))

مفيش حاجة هتضايقك ابدا فى الجنة .. Smile
.
.

(( وَدَانِيَةً عَلَيْهِمْ ظِلَالُهَا ))

خليك عندك ما تروحش للظل .. هو اللى هيجيلك لحد عندك ..

.
.
(( وَذُلِّلَتْ قُطُوفُهَا تَذْلِيلًا ))

التفاحة دى مثلا ولا الكرزاية دى عجبتك .. ما تروحش تجيبها .. ( لأ ) .. هى هتجيلك لغاية عندك ..

ايه الرفاهية دى ..!! ايه العز ده !! ايه الفخفخة دى !!

.
.
(( وَيُطَافُ عَلَيْهِم بِآنِيَةٍ مِّن فِضَّةٍ وَأَكْوَابٍ كَانَتْ قَوَارِيرَا ))

يعنى ما تتحركش من مكانك .. العصير جاى لحد عند جنابك ..

ولما تتحط كوباية العصير قدامك ما تمدش ايدك .. مراتك وزوجتك هتسيقيهالك

وانتى زوجك هيسقيهالك ..





انت .. بتحلم بإيه ؟؟

وانتى .. بتحلمى بإيه ؟؟

كل حاجة بتحلم بيها موجوده فى .. ^ الجنة ^ ..

نفسك فى ايه .. ؟؟



نفسك تقعد مع " خالد بن الوليد " يحكيلك عن موقعة اليمامة ؟

ولا .. نفسك تقعد مع النبى > صلى عليه > عليه الصلاة والسلام _ ويحكيلك عن الاسراء والمعراج ..

نفسك تقعد مع " مصعب بن عمير " اجمل شاب ضحى بعمره عشان الدين يُعز ويرتفع ..

نفسك فى إيه ..؟؟


نفسك فى عربية " فور باى فور " أو " اس كلاس مرسيدس "

او " BMW فئة سبعة " ..


دى الجنة فيها " النجـــآئب " اللى هى وسائل المواصلات فى الجنة ..

والجنة بقى فيها ما لا عين رأت .. يعنى كل العربيات اللى شفتها فى الدنيا دى

شوية صفيح اسود .. شوف بقى وسائل المواصلات فى الجنة .. ::




" متكئين على رفرف خضر "

الرفرف .. من الطيران .. يعنى حضرتك هتركب بساط اخضر يأخذك حيثما تريد

وفيه كمااان احصنة بأجنحة ..>> ايه الكلام الغريب ده ..؟!!

ده فيه ناس بأجنحة فى الجنة .. زى سيدنا جعفر بن ابى طالب ليه جناحين فى الجنة ..

انتو مستغربين كده ليه ...؟؟؟؟

دى الجنــــــــــــــــــــــة يا جمااااااااااااااعة !!



مستنيين ايه ..؟؟ كل حاجة نفسكوا فيها موجوده فى الجنة ..

في الجنة آفاق فى الرفاهية احنا ما سمعناش عنها ابدااااااا

الانسان مش بيتخيل آفاق الرفاهية اللى فى الدنيا

فما بالك بآفاق الرفاهية الموجودة فى ..

♥ الجنــــة ♥

Smile)

تابعونا مع باقى اسباب السعادة فى الجنة .. ::
الرجوع الى أعلى الصفحة اذهب الى الأسفل
http://hobeldeen.ahlamontada.com
ღ قلبي ملك ربى ღ
قلب وقف لله تعالى
قلب وقف لله تعالى
avatar



الانتساب : 04/08/2009
الجنس : انثى
الدولة :



المشاركات: : 1874













sms : اللهم سامع الصوت وسابق الفوت وكاسى العظام لحماً بعد الموت نسألك الجنه ونعوذ بك من النار
نقاط : 12904
تعاليق : ما تحسَّر أهل الجنة على شيء كما تحسروا على ساعة لم يذكروا فيها اسم الله

مُساهمةموضوع: رد: showtime مع ♥ الجنَّة ♥    الثلاثاء أكتوبر 30, 2012 3:30 pm



نكمل ان شاء الله Smile

.
.
.

بتحلم بإيه ..؟؟ ... بتحلمى بإيه ..؟؟

كانت والدتك زيي بتمنعك من نزول البحر وانت صغير

ونفسك يكون عندك حمام سباحة كبير تسبح فيه وما يكونش ممنوع عنك ..

موجود .. فى الجنة ♥

بتحلم انك تعمل حفلة شوى كبييييرة وتجيب عشرة كيلو لحمة وتعزم اصحابك وتطلعوا وتعملوا حفلة كبييرة ..

موجود واكتر .. فى الجنة ♥

بتحلم بإيه ..؟؟

واحد صاحبك مرة اخدك فى تخت ولا شالية فى الساحل الشمالى ونفسك يكون عندك زيه ..

موجود .. فى الجنة ♥

بتحلمى بإيه ..؟؟

نفسى حد يحبنى وأحبه .. عايزة احب وأتحب ..

موجود .. فى الجنة ♥

بتحلم بإيه ..؟؟

مش نفسك تقعد مع اصحابك وتضحكوا وتهزروا مع بعض وقلوبكم قلب واحد تتكلموا وتدردشوا وفاكر لما قمنا الليل مع بعض

وفاكر لما كنا فى ليلة ( 27 ) فى رمضان ..

وفاكر .. وفاكر ..

كل ده موجووووود .. فى الجنة ♥

بتحلم بإيه ..؟؟

انا بقى نفسى فى أوبن بوفيه وسيبنى عليه

أنزل عليه انسفه كله ..Smile

يااااه .. كل حاجة نفسك فيها موجوده فى الجنة ..

بجد فى الجنة مش هتقدر تغمض عينيك من المتعة والرفاهية والفرح والسعااادة ..



تانى سبب من أسباب السعادة فى الجنة ::

( 2 ) الحيــاة الاجتماعيــة ::

.
.
مرة وقفت شلة من الشباب فى الشارع وقلتلهم لو القهوة او النادى مفيهوش حد من اصحابك .. تروح ولا لأ ..

قالولى :: لا يمكن ..

تخيل لو السيكشن والكلية اللى انت طول عمرك بتحلم بيها مفيش معاك صحبة
ولا حد يذاكر معاك ولا حد تتكلم معااه فى المذكرات ..

وهيدوك مليون جنية بعد ما تتخرج ..

والله ما هتقدر تكمل ..

.
.
قريت مرة لاحد زوجات رئيس الجمهوريات بيقولولها انت ايه اسعد لحظة فى حياتك ؟؟

قالتلهم ( وهى سيدة القصر الاولى وكل حاجة تحت امرها ) ::

لما الاسرة شملها يتجمع وانا وجوزى وولادى نبقى مع بعض ..



تخيل كده النعيم الاجتماعى فى الجنة ..!!


تخيل كده ان سيدنا " معاذ بن جبل " رضى الله عنه .. بعتلك

باعتلى انا ..!! ليه ؟؟

اصله سمع عن عبادتك فى الدنيا واجتهادك فى الدعوة فى الدنيا فبعتلك نفسه يشوفك ..

وانت بقى فتحت دولابك وبتدور وبتقول هلبس ايه وانا رايح لسيدنا معاذ ؟

بصيت لقيت الموديلات اللى فى دولابك كلها اتغيرت ..!! ليــه ؟

>> أصل موديلات الجنة ما بتتصنعش ..
ده فيه شجر مخصوص فى الجنة بيصنع الموديلات دى ..

made in Ganna

♥ جنة شو ♥

ايه يا جماعة .. ايه الموديلات الجديدة دى ؟؟

دا دى القطفة الجديدة .. قطفناها وجيبنالك الموديلات بتاعتها ..
فهتنقى افخم حاجة وهتلبسها ..

وتنقى هدية فخمة كده من التحف الموجودة فى قصرك عشان تأخدها لسيدنا معاذ .. Smile)

وتأخذ مراتك معاااك وانت رايح عشان تبقى زيارة عائلية مع سيدنا معاذ وزووجته ..

وأنت عند سيدنا معاذ بقى .. النبى يبعت لسيدنا معاذ وعاوزه ..

فتروح معاااه عند النبى _ صلى الله عليه وسلم _ ..

ساعتها .. ربنا يطلع عليكم ويبعتلكم " إمدآد "





أنا عاوز أكلمكم عن آيات سورة الطور اللى بتحكيلنا عن الحياة الاجتماعية

فى الجنة ♥

كل سورة من سور القرآن بتحكيلك عن الجنة من جانب غير التانية Smile)

.
.
تخيل كده بعد ما دخلت الجنَّة ..

فى أول يوم فيه حفلة فى قصرك انت وانت قاعد ملك بقى ..

( إِنَّ الْمُتَّقِينَ فِي جَنَّاتٍ وَ نَعِيمٍ )

" النعم " .. دى بتكون فى الدنيا ..

يعنى ..

واحد عنده ( 50 ) مليون جنية .. وعنده السكر منغص عليه حياته ..

وواحد عنده عياله كلهم متفوقين جداا .. بس عنده واحد فيهم ساقط .. منغص عليه فرحته ..

إنَّما الجنة .. فيها ♥ نعيييم ♥ ..

مفيهاش ابدا أى منغصات ولا هموم ولا غموم ..

.
.
( فَاكِهِينَ بِمَا آتَاهُمْ رَبُّهُمْ وَوَقَاهُمْ رَبُّهُمْ عَذَابَ الْجَحِيمِ )

أصحابك جاءوا ليك بقى وقعدتوا تحكوا وتضحكوا وتقولهم فاكرين اليوم الفلانى ..

ولا فاكرين يوم ما ربنا حفظنا من المعصية الفلانية ..

ولا اول ما جينا نأخذ قرار الالتزام .. وكان الموضوع صعب علينا

وربنا سهله علينا ..

يااااااااااااااااااه على نعييييم الجنَّة ..

انتو متخيلين جمااااالها .؟؟

هااااا اشتقتولها ولا لسه ؟؟

هنكمل ان شاء الله وصف الجنة .. المرة الجاية



:: تابعونا ::
الرجوع الى أعلى الصفحة اذهب الى الأسفل
http://hobeldeen.ahlamontada.com
ღ قلبي ملك ربى ღ
قلب وقف لله تعالى
قلب وقف لله تعالى
avatar



الانتساب : 04/08/2009
الجنس : انثى
الدولة :



المشاركات: : 1874













sms : اللهم سامع الصوت وسابق الفوت وكاسى العظام لحماً بعد الموت نسألك الجنه ونعوذ بك من النار
نقاط : 12904
تعاليق : ما تحسَّر أهل الجنة على شيء كما تحسروا على ساعة لم يذكروا فيها اسم الله

مُساهمةموضوع: رد: showtime مع ♥ الجنَّة ♥    الثلاثاء أكتوبر 30, 2012 3:33 pm

نكمل ان شاء الله ..

قال تعالى ::

( (23) وَيَطُوفُ عَلَيْهِمْ غِلْمَانٌ لَهُمْ كَأَنَّهُمْ لُؤْلُؤٌ مَكْنُونٌ (24) )

خدم لؤلؤ مكنون ..!! >> فما بالك بالمخدوم .

لما تروح بيوت الاعنياء تحس ان الخدم بيعملوا فيها جو جميييل بيبقى فيه الفة وحياة اجتماعية جميلة ..

وكمان " غلمان " .. يعنى كأنهم ولادك .. كأن ليك اولاد صغيرين تحبهم ويحبوك ..

.
.

( وَأَقْبَلَ بَعْضُهُمْ عَلَى بَعْضٍ
يَتَسَاءَلُونَ (25) قَالُوا إِنَّا كُنَّا قَبْلُ فِي أَهْلِنَا
مُشْفِقِينَ (26) فَمَنَّ اللَّهُ عَلَيْنَا وَوَقَانَا عَذَابَ السَّمُومِ
(27) إِنَّا كُنَّا مِنْ قَبْلُ نَدْعُوهُ إِنَّهُ هُوَ الْبَرُّ
الرَّحِيمُ (28) )



احنا كنا خايفين ربنا ميقبلش عملنا .. كنا بعد القيام خايفين ربنا ما يقبلوش ..

كنا خايفين من عذاب القبر وخايفين من النار وعذاب النار ..

كنا خايفين من ساعة العرض على الله .. خايفين من سوء الخاتمة ..

كنا خايفين ما نثبتش على الطاعة والفتن اللى فى الدنيا ..

كنا بنقوم طول الليل ونقول يا رب سلم يا رب سلم وثبتنا ونجينا ..

عشان كده ربنا اكرمنا واعطانا الجنة ..




اشتقت ولا لسه ..؟؟

بدأتى تشتاقى ولا لسه ..؟؟

بدأت تحس ان فيه حاجة فى قلبك بدأت تتحرك ولا لسه ..؟؟

لســــــه احنا ما اتكلمناش .. Smile





( 3 ) النعيـــم المـــآدى ::



لما نكون احنا قاعدين دلوقتى بنذكر ربنا وبنتكلم عن ربنا فالملائكة تستغفر لنا وتطلع لربنا فيقول لهم ::

.
.

- يا ملائكتى كيف وجدتم عبــادى ؟

- يا رب وجدناهم يسبحونك ويحمدونك .

- ما يسألون يا ملائكتى ؟

- يسألون الجنة يا رب ..

- وهل رأوها ..؟

>> شافوا قصر من قصورها .. شافوا حورية من حورها ..

شافوا نهر من انهارها .. شافوا وليمة من ولائمها ..

- لا يا رب لم يروها

- فكيف لو رأوها .. .
.
.

مكنوش سابوا الجامع يا رب .. مكنوش بارزوك بالمعاصى ليل نهار يا رب ..

مكنتش كشفت حنة واحدة من جسمها يا رب ..

مكنوش عملوا اى معصية تغضبك يا رب ..

كانوا واصلوا الليل بالنهار فى طاعتك يا رب ..





انا ببشركم ..

ببشر كل صوّام اتنين وخميس .. الجنة فيها ما عين رأت ..

لا عين واحد صيف فى جمصة .. ولا عين الغنى اللى طلع على الساحل الشمالى ..

ولا عين المليونير الملياردير اللى طلع على شواطئ امريكا ..

انا ببشر كل قوام لليل بهذه الجنة .. انا ببشر كل متصدق ..

انا ببشركم يا جماااااااااااعة

Smile)

الجنة فيها ايه ..؟؟

فيها " الحور العين ""

الحور ..!! >> اآآه بدأت الستات هتزعل Sad

طيب هنصالحهم دلوقتى ..

يا بنتى انتى فى الجنة اجمل ( 70 الف مرة ) من الحور العين ..

هنتكلم عنك دلوقتى ..

سعيد بن زيد - رضى الله عنه - ( من العشرة المبشرين بالجنة ) ..

كان فى معركة القادسية وكذا يوم جهاد وتعب .. فنام ..

فشاف كأنه يوم القيامة ونودى يا سعيد .!! وجاء له 3 خيول عليهم ملائكة ..

وقالوا له هلم بنا الى ملكك فى الجنة ..

فدخلوا به الجنة .. فلما دخلوا به فيقول فرأيت نسااء كأن وجوههن القمر ..

فقلت :: أهؤلاء الحور العين ..

فيقال له :: لا هؤلاء الوصيفات .

وكلما مر على نساء اجمل منهن فيقول :: اهؤلاء الحور العين ؟

فيقال له :: لا هؤلاء هن الوصيفات ..

فيقول :: حتى وصلت الى 3 وجوههن كالبدر وواحدة منهن وجهها كالشمس المشرقة .

فقال لها :: من انتى ..؟؟

قالت :: انا زوجتك فى الجنة ..

فمددت يدى >> مد ايده عشان يمسك ايديها ..

قالت له :: لا .. لا يا سعيد حتى يأذن الله ويقضى اجلك

:: فاستشهد فى معركة القادسيــة ::




الحور العين يا اخوانا ..!!

تخيل كده انك قاعد مع واحدة فى قمة الجمال وقمة تسريحة الشعر وقمة الشياكة

وقمة الموديلات ..

شاب بيقولى كان مفتون بالنساء فشاف رؤية .. حورية من حور الجنة ..

فشاف جمال باااهر .. فبيقول ومن يوميه ما بفكرش فى نساء الدنيا اصلا ..

الحور دى حاجة تانية يا جمااعة .. مستوياات عالية ..

والد من اباءنا كده يقووول :: آآآآه .. الا ليت الشباب يعود يوما ..

مراته تبصله كده وتقله :: فاكر بداية جوازنا يا حسبوا Smile

يقولها :: فاكر .. فاكر ياا ستى ساعة ما كنتى واخدة بالك من نفسك

قبل دوا الموراتيزم والسكر والضغط ..

تقوله :: موراتيزم ايه ما انت واخدنى زى الوردة المفتحة وعيالك اللى عملوا فيا كده .ز


طيب خلاص يا ستى ..

ان شاء الله فى الجنة كل واحد فيكم هيشوف التانى تحفة من تحف الجمال والقوة والصحة ..





الحور العييين يا جمااااعة ..

:: الحورية عرب ::

ربنا قال :: ( عرب أترابا ) ..

يعنى .. بتعرف تتكلم كلام حلو ..

مش زى واحد فلاح غلبان .. الحمار بتاعه مات فمروح لمراته زعلان جدا

فبتقوله :: مالك يا فلان ..؟

قالها :: الحمار مات

قالتله ( وبتبطب عليه وتخفف عنه يعنى ) : يبنى دا انت دخلتك علينا بمية حمار


لا .. الحور عرب يعنى تعرف تتكلم .. بتعرف تقول كلام حب يدوب قلبك ..

تخيل .. صوتها اجمل من اجمل صوت مغنية سمعتها فى العالم ..

تخيل .. ريقها لو تفلت فى البحر يبقى عذب ..

تخيل.. ضحكتها لو ضحكت سماء الدنيا كلها تنور ..

تخيل .. لون بشرتها .. ربنا بيقول ( كأنهن الياقوت والمرجان )

هيتهيألك انها احجار كريمة من الصفاء والجمال ونعومة البشرة

مفيش تعب ولا بهدلة ولا شعر محتاج مكواة رجل عشان يتفرد Smile

حاجة بقة هاااى استاندرد ..


انت بتضيع ده كله عشاان ايه ؟؟

بتبيع ده كله عشان ايه ؟؟؟
.
.
.

يتبع ان شاء الله مع( نعيم النساء فى الجنة ) .. Smile

تاااابعونا ::
الرجوع الى أعلى الصفحة اذهب الى الأسفل
http://hobeldeen.ahlamontada.com
ღ قلبي ملك ربى ღ
قلب وقف لله تعالى
قلب وقف لله تعالى
avatar



الانتساب : 04/08/2009
الجنس : انثى
الدولة :



المشاركات: : 1874













sms : اللهم سامع الصوت وسابق الفوت وكاسى العظام لحماً بعد الموت نسألك الجنه ونعوذ بك من النار
نقاط : 12904
تعاليق : ما تحسَّر أهل الجنة على شيء كما تحسروا على ساعة لم يذكروا فيها اسم الله

مُساهمةموضوع: رد: showtime مع ♥ الجنَّة ♥    الثلاثاء أكتوبر 30, 2012 3:35 pm

السلام عليكم ورحمة الله


.
.


:: نعيم النساء فى الجنة ::





ده أخطر حاجة لازم نتكلم عليها >> ليه ..؟؟

لأنها لو زعلت فى الجنَّة هتنكد علينا .. Smile

يا اخوات .. نعيم المرأة فى الجنة ..!!

ساعات بسمع بعض الدعاة بيتكلم عن نعيم المرأة فى الجنَّة


بستغرب والله .. ربنا يبارك فى الجميع .. بس ..!!


بيقولوا .. انتى يا أختى جوهرة مصونة وربنا هيحبسك فى القصر .. Sad

ايه ده هو انا كنت قاعدة اصوم واقوم عشان ربنا يحبسنى فى الجنة ..


يا جماااعة دا دول حور الآخرة .. مش حور الدنيــا ..


اللى لم يطمثهن انس قبلهم ولا جان .. مش اللى اتجوزت وخلفت فى الدنيا ..


انتى يا اختى هيكون جمالك قد حور الاخرة دى ( 70 الف مرة ) .

.
انتى [ ملگة ] .. وهى متاااع زى باااقى القصوور والانهاار ..


انتى [ ملگة بحق وحقيقى ] .. ودول وصيفاتگ ..


انتى [ ملگة ] .. عندك ممكتلكات وقصور وفلل ..



وقصر فـ جنة الصيآم .. وفيلا فى الفردوس الاعلى ..


ملگة بحق وحقيقى ..





يا ترى طقم مجوهراتك وعلبة مجوهراتك فى الجنة فيها ايه


.. اذا كآن ساق شجر الجنة ذهب ..



اذا كان الراجل جوزك فى الجنة لابس اساور وتاج من ذهب ولؤلؤ وياقوت ..


امــآل انتى مجوهراتك شكلها أيــه ..؟!!


يا ترى دولابك فيه موديلات شكلها ايه ..؟!


يا ترى العطور والبرفانات اللى فى اوضة نومك على التسريحة بتاعتك شكلها ايه ..؟!


يا ترى تسريحات شعرك اللى وصيفاتك هيعملوهالك هيبقى شكلها ايه ؟


يا ترى جمالك هيبقى درجته ايه ..؟


يا ترى ( تخيلى معايا كده ) .. املاكك فى الجنة هيبقى شكلها ايه .؟؟


انا عايزك تتخيلى نعيمك الحقيقى فى الجنة ..!



انتى هيبقى مقامك أيـــه ..؟!





طيب احنا مش عاوزين [ حور عيــن ] .. احنا عاوزين جنة من غير حور عيــن ..



أخت بتقول لجوزها ..يا رب ما تدهوش حور عين يا رب ..



عايزك جوزك ما يقربش من الحور العين .. ايوة ..



>> بسيطة جدااااااا ..



انتى مش هيبقى ليكى قصر فى كل حتة وممكن قصر فى الفردوس الاعلى


جوزك معندوش زيه .. آه ..


قوليله .. لو بصيت للحور العين معدتش هوديك القصر بتااعى بتاع الفردوس الاعلى ..Smile



بس خلااص .. هيسمع كلااامك وهيستجيب .. ومعدش هيقدر يزعلك بعد كده ..




احنا قاعدين نوصف فى الحورية يعنى مراتك ..



طيب انتى جوزك بقى ..؟!


طوله (60 ) ذراع فى السماء .. حاجة كده طول بعرض بصحة ..


الاساور بتاعت معصمه فى ( حديث صحيح )

لو نزلت الى الارض لأطفأت نور الشمس .. كما تطفأ الشمس النجوم ..


تخيلى قلبه بيحبك قد ايه ..؟


كل ما يروح ليكى بعد سوق الجمعه ( فى الجنة )

يقولك لقد ازددتم بعدنا حسنا وجمالا ..


تخيلى كده كل ما جوزك يدخل يقولك ايه الجمال ده ..

ايه الروعة دى .. ايه العيون الساحرة دى ..

تخيلى زوجك وجماله .. اجمل من سيدنا يوسف ..

اللى النسوة قطعوا ايديهم لما شافوه ..

وشبابه وصحته وعينيه كحلاء طبيعى بدون كحل ..


انا عايز يا جماعة نفهم ايه نعيم الجنة .. وايه متاع الجنة .. وايه روعة الجنة ..!!


:: تابعونا ::


الرجوع الى أعلى الصفحة اذهب الى الأسفل
http://hobeldeen.ahlamontada.com
ღ قلبي ملك ربى ღ
قلب وقف لله تعالى
قلب وقف لله تعالى
avatar



الانتساب : 04/08/2009
الجنس : انثى
الدولة :



المشاركات: : 1874













sms : اللهم سامع الصوت وسابق الفوت وكاسى العظام لحماً بعد الموت نسألك الجنه ونعوذ بك من النار
نقاط : 12904
تعاليق : ما تحسَّر أهل الجنة على شيء كما تحسروا على ساعة لم يذكروا فيها اسم الله

مُساهمةموضوع: رد: showtime مع ♥ الجنَّة ♥    الثلاثاء أكتوبر 30, 2012 3:41 pm



:: نعيــــــم القصور ::




عايزك تقارن بين أعظم بيت فى الدنيا و اقل بيت فى الجنة..

هتوصل لإيه يا ترى لما تقارن ده بـ ده ..

يلا نقارن ..

آدى الدنيا .. وآدى الجنة ..
اللى حط التصميم فى الدنيا .. مهندس من المهندسين ..


والبيت اللى فى الجنة مين اللى صممه ؟ ..

ده تصميم ربانى الملك سبحانه هو اللى صممه ..

طيب وده مساحته قد ايه يعنى ..

دا الخيمة الواحدة فى الجنَّة .. ( 60 ذراع ) ..

( 60 ميل ) . يعنى .. ( 100 كم ) .. العرض بتاعها والطول بتاعها ..



طيب الموقع ..*


الموقع بتاع الجنة ..


:: تجرى من تحتها الانهار ::


الانهار داير ما يدور اربع جهات .. ليه ؟؟


عشان تبقى كل الجهات بحرى ..


ها .. وايه كمان .؟؟


الجدران ..:: فى الدنيا ( طوووب ) ..


فى الجنة ..:: لبنة S]فضة ] .. ولبنة ] ذهب ] ..


وايه كماااان ..؟






:: الجيران ::


دا فيه مناطق الشقق بتبقى غالية فيها جداا .. طيب ليه ..



يقولك اصلك هتبقى ساكن جنب فلان وفلان وفلان ..


والاغنياء ورجال الاعمال و..


[/size]

هتبقى جنب افضل ناس مشيت على وجه الارض واعلى ناس وافضل ناس ..


:: سعر المتر فى الجنة ::

لموضع سوط اجدكم فى الجنة .. خير من الدنيا وما فيها ..

متر فى متر .. خيــر من الدنيـــآ وما فيها ..

تخيل بقى سعر المتر قد ايه ..؟



تخيلوا بهجة الفرح بتاعت القصر شكلها ايه ؟




تخيلوا يا جماعة بيوت الجنة ..

دا النبى – عليه الصلاة والسلام – بيقول فى احاديث صحيحة ::

عن انه صعد فى شجرة فى رؤية دخل فيها الجنة .. فوجد بيتا وفيه ناس ..
عارفين البيوت اللى كنا بنشوفها مبنية على اشجار ..
المناظر الجميلة دى ..! فيه فى الجنة زيها ..وقصور معلقة ..


فى الجنة فيه ( 3 ) انواع من المبانى ::


فيه غرف ..

وفيه قصور

وفيه خيــآآم ..

*


:: الغرف ::



عاملة زى الاجنحة الفندقية الملكيــة بتاعت الناس اللى فوق اووى ..

الناس اللى فوق فى ضيافة الرحمن فى الفردوس الاعلى ..



والخامة بتاعتها ..

حاجة كده ما تتوصفش .. حاجة كده يُرى ظاهرها من باطنها ..

يعنى ايه .. ما اعرفش ؟!!

فيها ما لا عين رأت ..
Smile)


*


:: القصور ::



دا دى املاكك فى الجنّّة بقى ..ودى جدرانها بقى من ( ذهب ) ..

النبى لما شاف قصر عمر فى الجنة .. بُهر ..

وقال :: قصر من هذا ؟


وتمنى ان يكون له – عليه الصلاة والسلام - ..

فقالو :: قصر عمـــر ..





القصور..


دى حاجة رهيبة .. والمادة بتاعتها .. ( ذهب وفضة )



*



:: الخيـــآآم ::





الخيام دى عاملة زى الشاليهات الفاخرة بتاعت الدنيا ..

الخيمة تلاقيها مثلا على الانهار والبحــآر ..

والخيمة مادتها .. لؤلؤة واحدة بس .. اتحفر فيها كل الممرات والشبابيك

والشُرف والاوض .. والصالات والهولات بتاعت الخيمة ..

دى كلها من لؤلؤة واحدة مجوفة ..










انت نصيبك ايه .. من كل اللى بقوله ده ..؟؟!


بتبيعى ايه بإيه ..؟؟ ..بتبيع ايه بإيه ..؟؟


ايه اللى يستاهل يا جماعة ..


ايه اللى يستاهل نضيع كل ده مننا !!



ده يؤتى بأنعم أهل الدنيا وهو من أهل النــآر ..

فيغمس غمسة واحدة فى النار ..

انعم اهل الدنيا دوت >> ارووش ولد واجمل بنت واروش بنت ..


ثم يُسأل :: هل ذقت نعيما قط ؟؟

.
.


>> اتفرجت على كليبات واغانى زى ما انت عايز ..

بصيت لكل المحرمات اللى عايز تبصلها ..

مشيت مع اللى عايز تمشى معاااها ..

عملت كل اللى انت عايز تعمله ..

لبستى كل الموديلات اللى انتى عاوزاها ..

كلمتى كل الشباب اللى انتى عايزة تكلميهم تحت اسم التحرر والحرية وو ..

.
.


لا يااااااا رب ..والله يا رب ما ذقت اى حاجة ..


ذاكرة نعم الدنيا اتمسحت باستيكة .. مع غمسة واحدة فى النار ..








ايه اللى يستااااهل .. نضيع الجنة ..

كفانا غفلة يااا جمااااااااعة ..


دا ابليس وظيفة عمره انه ما يدخلكيش الجنة وما يدخلكش الجنة ..


بيفنى حياته كلها عشان انت ما تحطش رجلك فى الجنة ..

دا ابليس معين جندى من جنوده لكل واحد مننا 24 ساعة لحد آخر

لحظة فى حياتنا .. > عشان ما يدخلوش الجنة ..


كفااااااانا غفلة ياااا طلااااب الدنيااااا


الدكتور بيقعد من 5 سنين ل 25 سنة عشان يجيب البكالوريوس ..

ومن 25 لـ 35 يجيب الماجستير والدكتوراااه ..

ومن 35ـ 45 لـ بيفتح عيادة ويعمل اسم ..


ومن 45 لـ 65 يبنى عمارة لعياله ويعملهم رصيد ..


وعياله يطلعوا كل واحد يركب عربيه فااارهة ..

وابوهم وهو قدهم كان بيتشعلق ع الاتوبيسات ..

وفـ الاخر يمووت من غير ما يعمل حاجة لأخرته ..







كفااااانا غفلة يا جماااااااعة ..


" ومن أردا الآخرة وسعى لها سعيها "

مش اى سعى ينفع انك تنال بيه الجنة ..


• * •



انا مندوب تسويق .. انا جاااى اسوق سلعة الجنة ليكم ..


انا جاااى اعرض عليكم سلعة الله الغالية ..


يا ترى هتقتنعوا بيها ولا لأ ..




كفانا غفلة يا جماعة .. ده ربنا بيقول " اعدت للمتقين "







من النعيم المااادى ..

:: نعيم الطعــآم والشرآب ::



يا ترى قائمة الاوبن بوفية بتاعت مطاعم الجنة فيها ايه .. ؟

يا ترى القائمة بتاعت مشروبات الجنة فيها ايه ..؟

يا ترى المنيو بتاعت الحلويات فى الجنة فيها ايه ..؟

يا ترى لما تقعد كده وعاوز عصير اناناس فريش بمزاج التسنيم

بس يكون

ختامها مسك لو سمحت ..


تعمل ايه .؟ تقول :: سبحانك اللهم " دعواهم فيها سبحانك اللهم "


تجيلك الملائكة .. عايز ايه :: عايز الطلب اللى انا طلبته ده ..


يجيبوهولك ويقولولك سلام " وتحيتهم فيها سلام "

تشرب .. خلصت خلاص .. قول :: الحمدلله

" وآخر دعواهم ان الحمدلله رب العالمين "


يقوموا جايين شايلينه من قدامك ..


خدمة فندقية ..
وافضل من فندقية كمااان ..



نكمل ان شاء الله المرة الجاية ..

:: تابعونا ::

















الرجوع الى أعلى الصفحة اذهب الى الأسفل
http://hobeldeen.ahlamontada.com
ღ قلبي ملك ربى ღ
قلب وقف لله تعالى
قلب وقف لله تعالى
avatar



الانتساب : 04/08/2009
الجنس : انثى
الدولة :



المشاركات: : 1874













sms : اللهم سامع الصوت وسابق الفوت وكاسى العظام لحماً بعد الموت نسألك الجنه ونعوذ بك من النار
نقاط : 12904
تعاليق : ما تحسَّر أهل الجنة على شيء كما تحسروا على ساعة لم يذكروا فيها اسم الله

مُساهمةموضوع: رد: showtime مع ♥ الجنَّة ♥    الثلاثاء أكتوبر 30, 2012 3:45 pm



النعيم النفسى ○
******



يعنى انت دلوقتى لو رحت فندق هتدخل تلاقى شيف لابس شيك جدا وقعد اربع سنين فى الكلية عشان يتعلم يقدملك ازاى


ومكان ( قيم جدا ) .. وتربيزة ( فخمة ) ..



ويجيبلك فى كوباية ( فخمة جدا ) ..



وكل ( النعيم المادى ) اللى انت واخده فى الموضوع ده هو { طعم العصير } ..



طيب وكل الباقى .. • نفسى •



مفيش حاجة نفسك فيها مش هتاخدها .






دَآرُ السَــــــلآمِ



ربنا زكى اهلها ..


لا يتبولون ولا يتمخطون ولا يبصقون ..


زكى مجالسها .. لا لغو فيها ولا تأثيم ..~


زكى انهارها .. ماء غير آسن ..


زكى عسلها .. عسل مصفى ..


زكى خمرها .. لا يصدعون عنها ولا ينزفون ..


زكى صدور اهلها .. ونزعنا مافى صدورهم من غل ..


زكى النعيم بتاعها كله .. لا يذوقون فيها الموت ..


زكى اللبن بتاعها .. وانها من لبن لم يتغير طعمه ..


كل حاجة فى الجنة مزكــــــآة ..





هى دار السلام





أقل واحد فى الجنَّــة .. ›› ملگ ››


اقل رتبة فى الجنَّــة .. ›› ملگ ››


أقل اهل الجنَّــة منزلة .. ›› ملگ ››





النعيم الاعظم ○



♥ نعيــــم الفردوس الاعلى ♥




انا مش قلتلكم الجنة .. افق جديد وبعد جديد فى النعيم ..



الفردوس الاعلى بقى .. افق جديد وبعد جديد .. فى نعيم الجنة كلها ..



عارفين زى فضل سيدنا ^ محمد ^ على كــل البشر ..



عارفين فضل سيدنا ^ جبريل ^ على ملايكة السماء السابعة ..



ده فضل الفردوس الاعلى ♥ على الجنة كلها ..



حاجة تانية خالص . افق تانى ..



لما سمعت حديث .. ان اهل الغرف فى الفردوس الاعلى



يتراءون لاهل الجنة كما يتراءى الكوكب الدرى الغابر فى



الافق ..



محدش يتخيل الحديث ده الا اللى يتخيل الموقع الجغرافى



المذهل بتاع الفردوس الاعلى فى الجنة .. ››


مذهل .. مذهل ..



الرسول – صلى الله عليه وسلم – بيقول ::



" اذا سألتم الله فاسألوه الفردوس الاعلى فإنها اوسط الجنة وأعلى الجنة .."



.


.


›› يعنى ايه أوسط الجنة وأعلى الجنة ..؟؟




عارفين " القاهرة " لما نيجى فى النص فيها ونعمل ( جنينة ) ..




القاهرة .. كلها جناين .. بس الجنينة اللى فى النص دى فيها انواع اشجار لا يوجد لها مثيل فى " القاهرة " كلها ..



فهى فى النص وتحفة ..



امال ايه بقى أعلى " الجنة " ..



هى فى النص بس مش على نفس المستوى للاشجاار الباقية كلها ..



لا دى على جبل عااااااااالى فووق ..



يعنى عارفين .. زى قصر الملك مثلا فى السعودية اللى جنب الحرم كده ..على جبل فووق ..



فانتى ماااشى تبص لفوق تلاقى الفامية والاضاءات والستاير



وو..



تقول ايه ده ..!! يا ترى فيه جوه أيــه ؟؟



اهو هو كده ..



أهل الجنةكلهم يقعدوا يبصوا على المكان العالى اللى فوق ده ..



^ ستاير ^ فامية ^ اضاءات ^ وحاجات مبهرة ^



يا ترى فيه ايه جوه ..؟؟




مكـــــآآن مذهل يا جمــآآعة .. Smile



فالفردوس الاعلى ..



فوووووووق .. وفى النص ..



.



.






››› تكملة الحديث ::



" ومنه تفجَّــر أنهــآر الجنَّــة .. "


.


.


أنهــآر الجنة .. كلها نازلة شلالات رهيبة ..


دآير مايدور .. وتتفرع تبقى " انهــآر الجنة " بعد كده ..


يعنى تبص تلآقى نعيم فوق مذهل و " شــلآلآت " نازله منه ..


.


.


" وسقفه هو عرش الرحمن "


.


.


يعنى " اجمل مخلوق فى الكون كله " هو الســقف بتاعه ..


تخيلوا الفردوس الاعلى ○ يا جمــآعة ..







○ نعيــم التجــديــد ○


*******



" لا يبغون عنها حولا "


.


.


حآجــآت جديدة ورآ بعضها ..




" الجنة " ..كلها جديد فى جديد ..





من الاحاديث العجيبة اللى قرأتها وأثرت فيا جدا ان فى الجنة كل يوم جمعة " سوق "



" سوق فى الجنة " يعنى بيجتمعوا فيه ..



بس السوق ده بيع وشراء ..



السوق ده اهل الجنة بيبدلوا نعيم قصاد نعيم ..




يعنى واحد عنده نعيم معين مش عند التانى يبدل معااه مقابل نعيم اخر وكده ..



›› تاخد بساط الريح الاخضر بتاعى وتدينى حصان بجناحين من عندك .. آه موافق



تاخد اليخت بتاعى وتدينى " قبة اللؤلؤ " اللى عندك على نهر الكوثر .. مــآشى ..




واللى من جانب " بر الوالدين " جاى بمراكب محدش شافها قبل كده ..




واللى من الفردوس الاعلى جاى بهدوم محدش شافها قبل كده ..



واللى من جنة الصيام جااى بأكل وشرب محدش شافه قبل كده ..



وسوق عربيــآت .. تحف الجنة كلها جاية عشان ايه ..؟ ..



عشان كل اسبوع تروح بيتك بنعيم جديد ..



تجديد رهييييب يـآ جمـــآعــة .. Smile








عشان كده ربنا لما بيطلع على اهل الجنة فيقولهم تمنى يا عبدى ..



تمنى ..



انت فى الدنيا لو ربنا قالك تمنى .. تمنى ايه اصلا .. انت مش عارف حااجة ..



فى الجنة بعد ما شفت انواع "الجنات الدانية " و " الفراديس العلى " ..



أفقك فى فهم النعيـــم اتوسع ..



تقعد ( 3 ايام ) تتمنى حاجات جديدة من اللى انت شفتها ومش قــآدر تجيبها ..



• تجديد رهيييب يا جماعة ..



دا ربنا بيقول .. ::



(
كُلَّمَا رُزِقُوا مِنْهَا مِنْ ثَمَرَةٍ رِزْقًا قَالُوا هَذَا الَّذِي
رُزِقْنَا مِنْ قَبْلُ وَأُتُوا بِهِ مُتَشَابِهًا وَلَهُمْ فِيهَا
أَزْوَاجٌ مُطَهَّرَةٌ وَهُمْ فِيهَا خَالِدُونَ)




[البقرة/25]



يدخل " الجنة " يقوول انا كنت بحــب الكريز اووى ..



هاااتولى كريز Smile)



- اتفضل كريز اهو ..



[b]-
ايه ده ده مش الكريز ؟!


-


>> هو ده الكريز بتاع الجنة .. التانى كان فى الدنيا اسم وخلاص <<



تيجى تدوق بقى .. آآآآآآآلله ..ايه ده جميــل اووووى .. انا


عايز كمااان ..


· يقوموا يجيبولك كريز تااانى .. آآيووه .. هو ده اللى انا اكلته دلوقتى ..


·


تيجى تاكله .. ياااه ده طعم غيــر اللى انا كلته من شوية ..




· تجديد فى الطعـــم بتــآع الفوآكــه *




جديد * جديد





الرجوع الى أعلى الصفحة اذهب الى الأسفل
http://hobeldeen.ahlamontada.com
 
showtime مع ♥ الجنَّة ♥
الرجوع الى أعلى الصفحة 
صفحة 1 من اصل 1
 مواضيع مماثلة
-
» برنامج يجعلك تشاهد كل قنوات artوshowtime مجانا
» مـــوســوعـــة مـــواقـــع جـــلـــب شـــفــرات ART وSHOWTIME وPOLSAT وDIGI TV

صلاحيات هذا المنتدى:لاتستطيع الرد على المواضيع في هذا المنتدى
منتديات حب الدين الاسلامية :: "°o.O المنتدى الإسلامي العام O.o °" :: الموضوعات الإسلامية-
انتقل الى:  
المواضيع الأخيرة
» دعوةهيئات التدريس بالجامعات للإعتصام المفتوح
الأحد مايو 26, 2013 5:23 pm من طرف ღ قلبي ملك ربى ღ

» مسابقة كروان الحق مقدمة من قناة السلام عليك الفضائية
الأحد مايو 26, 2013 5:20 pm من طرف ღ قلبي ملك ربى ღ

» مسابقة خطيب السنة علي قناة السلام عليك
الأحد مايو 26, 2013 5:20 pm من طرف ღ قلبي ملك ربى ღ

» مسابقة كروان الحق مقدمة من قناة السلام عليك
الأحد مايو 26, 2013 5:20 pm من طرف ღ قلبي ملك ربى ღ

» تعلن قناة السلام عليك الفضائية عن حاجتها لمذيعين ومقدمي برامج ومعدين وكتاب سيناريو
الأحد مايو 26, 2013 5:19 pm من طرف ღ قلبي ملك ربى ღ

» الستايل السادس عشر الماروني من تصميمي لمنتديات احلى منتدى
الأحد مايو 26, 2013 5:18 pm من طرف ღ قلبي ملك ربى ღ

» درس كيفية الكتابة بارقام عربية ببرنامج الفوتوشوب
الأحد مايو 26, 2013 5:16 pm من طرف ღ قلبي ملك ربى ღ

» درس كيفية عمل نجمة تلف
الأحد مايو 26, 2013 5:15 pm من طرف ღ قلبي ملك ربى ღ

»  دروس فلاش cs3 صوت وصورة بروابط مباشرة
السبت مارس 23, 2013 6:33 pm من طرف ღ قلبي ملك ربى ღ

» دروس Adobe Flash CS3 Profissiona
السبت مارس 23, 2013 6:23 pm من طرف ღ قلبي ملك ربى ღ

» تحميل برنامج فلاش Adobe Flash CS3
السبت مارس 23, 2013 6:09 pm من طرف ღ قلبي ملك ربى ღ

» رواتب الجمعة مهم جدا
الجمعة مارس 22, 2013 4:34 pm من طرف ღ قلبي ملك ربى ღ

» زهور من حدائق الجنة .
الجمعة مارس 22, 2013 4:29 pm من طرف ღ قلبي ملك ربى ღ

» حكم قول جمعة مباركة .. فتاوى بعض أهل العلم
الجمعة مارس 22, 2013 4:27 pm من طرف ღ قلبي ملك ربى ღ

» أهمية الذكر ...
الجمعة مارس 22, 2013 4:26 pm من طرف ღ قلبي ملك ربى ღ

» حياته صلى الله عليه وسلم من مولده إلى بعثته
الجمعة مارس 22, 2013 4:25 pm من طرف ღ قلبي ملك ربى ღ

» موسوعه شامله لكل مسلم يحب دينه _
الجمعة مارس 22, 2013 4:25 pm من طرف ღ قلبي ملك ربى ღ

» شـرح كـيـفـيـة الـتـأكـد مـن صـحـة الـحـديـث قـبـل اضـافـتـه
الجمعة مارس 22, 2013 4:25 pm من طرف ღ قلبي ملك ربى ღ

» فضائل يوم الجمعة
الجمعة مارس 22, 2013 4:23 pm من طرف ღ قلبي ملك ربى ღ

» القرآن الكريم » تفسير ابن كثير » سورة الصف
الجمعة مارس 22, 2013 4:22 pm من طرف ღ قلبي ملك ربى ღ

» موقع كروشية
الجمعة مارس 22, 2013 4:21 pm من طرف ღ قلبي ملك ربى ღ

» غرزة جميلة بالخطوات
الجمعة مارس 22, 2013 4:21 pm من طرف ღ قلبي ملك ربى ღ

» الحنان ليس فقط عند الانسان - صور
الجمعة مارس 22, 2013 4:21 pm من طرف ღ قلبي ملك ربى ღ

» تحميل الكثير من المصاحف للقران الكريم هنا؟
الجمعة مارس 22, 2013 4:21 pm من طرف ღ قلبي ملك ربى ღ

» أبواب الأجر ومكفرات الذنوب
الجمعة مارس 22, 2013 4:20 pm من طرف ღ قلبي ملك ربى ღ

» صور ومعلومات عن مدينة القدس
الجمعة مارس 22, 2013 4:20 pm من طرف ღ قلبي ملك ربى ღ

» كيكة البندق بالشوكولاته
الجمعة مارس 22, 2013 4:20 pm من طرف ღ قلبي ملك ربى ღ

» عين النحلة أسرع من أي كمبيوتر بالعالم
الجمعة مارس 22, 2013 4:19 pm من طرف ღ قلبي ملك ربى ღ

» آداب الصداقة والصديق
الجمعة مارس 22, 2013 4:17 pm من طرف ღ قلبي ملك ربى ღ

» خصائص اسماءالله الحسنى والفوائد من ترديد كل اسم
الجمعة مارس 22, 2013 4:17 pm من طرف ღ قلبي ملك ربى ღ

» تفسير القرآن فقط بالموس
الجمعة مارس 22, 2013 4:17 pm من طرف ღ قلبي ملك ربى ღ

» لا تنسى كل يوم جمعة
الجمعة مارس 22, 2013 4:16 pm من طرف ღ قلبي ملك ربى ღ

» ورود واشجار من النايلو
الجمعة مارس 22, 2013 4:14 pm من طرف ღ قلبي ملك ربى ღ

» تطريز الخرز على القماش
الجمعة مارس 22, 2013 4:08 pm من طرف ღ قلبي ملك ربى ღ

» تعلن " قناة السلام عليك" الفضائية عن حاجتها لمذيعين ومقدمي برامج ومعدين وكتاب سيناريو
الجمعة مارس 22, 2013 4:04 pm من طرف ღ قلبي ملك ربى ღ

» مسابقة كروان الحق مقدمة من قناة السلام عليك
الجمعة مارس 22, 2013 4:03 pm من طرف ღ قلبي ملك ربى ღ

» ولسوف يعطيك ربك فترضى
الجمعة مارس 22, 2013 1:12 pm من طرف ღ قلبي ملك ربى ღ

» انقسام الخلية فليم وثائقى عنها
الجمعة فبراير 22, 2013 12:02 pm من طرف صبورجدا

» تحميل برنامج Adobe Audition CS6 5.0.1 Build 6
السبت فبراير 16, 2013 12:47 pm من طرف ღ قلبي ملك ربى ღ

» شرح برنامج Adobe Audition ادوبي اديشن وتعليم الهندسه الصوتية
السبت فبراير 16, 2013 12:33 pm من طرف ღ قلبي ملك ربى ღ

» تأثيرات معربة للسويتش ماكس مؤثرات araeffects
الإثنين يناير 28, 2013 1:01 pm من طرف ღ قلبي ملك ربى ღ

»  تحميل برنامج السويش ماكس الاصدار الرابع مع الكراك
الأحد يناير 27, 2013 11:59 am من طرف ღ قلبي ملك ربى ღ

» دورة تصميم بطـآقة فلاشية من الصفر حتى الاحترآف
الإثنين يناير 14, 2013 12:53 pm من طرف ღ قلبي ملك ربى ღ

» كتاب تفصيل خياطة الستائر
الأربعاء نوفمبر 28, 2012 1:03 pm من طرف bobha

» showtime مع ♥ الجنَّة ♥
الثلاثاء أكتوبر 30, 2012 3:45 pm من طرف ღ قلبي ملك ربى ღ

»  طريقة عمل اشهى الحلويات للمناسبات 2011
الثلاثاء أكتوبر 16, 2012 7:27 pm من طرف الدمعة الحزينة

» توزيعات المناسبات بالكروشيه
الجمعة سبتمبر 28, 2012 8:09 pm من طرف ღ قلبي ملك ربى ღ

» أول كاركاتير انجليزي مناصر للمسلمين
الإثنين سبتمبر 24, 2012 1:06 pm من طرف ღ قلبي ملك ربى ღ

» ملف غرز التطريز بالخيط
الجمعة سبتمبر 14, 2012 9:01 pm من طرف ღ قلبي ملك ربى ღ

» طريقة نقل الرسم إلى القماش وبدء التطريز
الجمعة سبتمبر 14, 2012 8:24 pm من طرف ღ قلبي ملك ربى ღ