كيف نقدر كمية الخيط المطلوبة لأي عمل كروشية

السلام عليكم ورحمة الله وبركاتة

اخواتي الغوالي اسعد الله اوقاتكم جميعا بكل الخير

الموضوع هذا مهم جدا جدا لكل الأخوات الي بيشتغلو كروشية

مهما كانت خبرتك

او درجة اتقانك للشغل

حتلاقي هالسؤال بيحيرك مع كل عمل جديد

وحتسمعية كتتتتتتتتتير في كل موضوع او ورشة جديدة

يمكن الوحيدة الي تقدر تجاوبة بسرعة هي الي اشتغلت نفس الموديل وبتعيدة تاني او بتشرحة لحد غيرها

اما لو انتي من النوع الي بتحبي تنوعي وتشكلي في الشغل حتحتاري كل مرة

بس طبعا مع الخبرة حيكون عندك تصور تقريبي لكمية الخيط المطلوب

لو بتشتغلي من بترون مكتوب حيكون فية ذكر لكمية الخيط مع مقاس السنارة

بس لو غيرتي سماكة الخيط الي بتشتغليها حيختلف الكمية

كتبت هالموضوع اليوم عشان نستفيد مع بعض

مع مراعاة ان لازم تشتري بزيادة عشان ماينقص عليكي الخيط ويضيع تعبك كلة وفلوسك لو مالقيتي من نفس الخيط وهدا الي بيحصل عادة

مفرش سرير لشخصين مع مخدات

3 كيلو من الخيط الرفيع

فستان طفلة مولودة مع طاقية وجرابات .... 300 الى 400 جم من الخيط المتوسط السماكة

طقم حمام 6 قطع ... لايقل عن 1 كيلو من الخيط السميك الصوف او القطيفة ويزيد مع زيادة عدد القطع

طرف كروشية لعباية الطرحة والكم ... 100 جم من الخيط الرفيع

طقم طرابيزات 3 قطع واحد كبير واتنين صغير من 100 الى 150 جم

*بالنسبة لشغل الملابس بيكون صعب انك تحددي لكل واحدة هتحتاج خيط قد ايه لأنه بيختلف حسب مقاس كل واحدة

*أما انك تحددي كمية الخيط المطلوبة بالنظر للموديل او الشىء اللى عايزة تعمليه بيكون تقديري شوية حسب عدة حاجات

-هل الغرزة واسعة ام مقفلة وفيها شغل كتير (لأنه لو فيها شغل كتير بتحتاج خيط اكتر ولو واسعة بتحتاج خيط أقل )

-كمان غير نوع الخيط لأنه لو سميك بتحتاجي كمية اكبر من لو كان رفيع

-كمان بتحددي حسب مقاسك (يا ترى مقاسك مثل الموديل الأصلى ولا اكبر ولا أصغر ؟

-فى فكرة انا بعملها احيانا /////// لو الشغل اللى هعمله وحدات بتعملي وحدة بخيط موجود عندك بس يكون نفس نوع الخيط اللى ناوية تشتغلي بيه ومن خلال كمية الخيط اللى استخدمتيها فى الوحدة وعدد الوحدات بتاعت الموديل تقدري تحددي تقريبا هتحتاجي قد ايه خيط

أنا حبيت أكتب هذي الملحوظات يمكن اخواتي يستفادوا منها

ملحوظة بالنسبة للأشياء اللى هكتبها كلها غرز صيفي يعني مش مقفلة اوى ولا واسعة اوى

*بلوزة نسائية حمالات مقاس وسط (مقاس الموديل الاصلي تقريبا ) ........... 200 جرام خيط قطن سميك أو 300 جرام خيط حرير رفيع تقريبا

*فستان نسائي حمالات لحد الركبة مقاس وسط ........... 400 الى 500 جرام خيط حرير رفيع تقريبا

*شنطة بغرزة مقفلة مقاس وسط ........... 300 جرام خيط قطن سميك او صوف تقريبا

*شنطة مقاس وسط بغرزة عادية ........... 200 جرام من القطن السميك تقريبا

*** بالنسبة للمفارش جربت مرة مفرش واحد كان مفرش تربيزة (طاولة) عبارة عن 3 مربعات (وحدات ) مشبكة في بعضها عملت وحدة واحدة وطلعت كبيرة جدا لأني انخدعت فى الصورة وفي الباترون << حبيت الفت نظركم لهذه النقطة لأنه احيان كتير فى المفارش المنظر بيخدع وما بنتوقع حجمها الحقيق وبالتالي ما بنتوقع كمية الخيط المظبوطة

» فرش سرير كروشية
» سلات كروشية
» ديكورات كروشية
» مقلمة كروشية
» موقع كروشية